Tuesday, June 30, 2015

{ DUA }



------------------- Woh bakhshta hai Gunah e azeem bhi lekin,
------------------- Hamari choti si naiki bhi sambhal rakhta hai..!
------------------- Hum usey bhool jate hain roshni mein,
------------------- Woh tareeki mein bhi khayal rakhta hai..!
------------------- Jab kabhi dair se lotun to meri Maan ki tarah,
------------------- Woh mere rizk ka hissa nikaal rakhta hai..!
------------------- Gharon mein jin ke diya bhi nahi hai,
------------------- Fiza mein chand sitarey uchaal rakhta hai..!

------------------- Jo Kahin Na Mile Wo Khushi Chahiye
------------------- Dard Kaisa B Ho Bandagi Chahiye
------------------- Mujhko Duniya Ki Ab Koi Khuwahish Nhi
------------------- Aakhrat Ki Mujhe Zindagi Chahiye
------------------- Tere He Aage Haath Phelaon
------------------- Ab Aesi ALLAH Mujhe Bebasi Chahiye
------------------- Tu Ho Jaye Raazi Sanwar Jaun Main
------------------- Mere Malik Aagahi Chahiye
------------------- Main Jhukun Or Jhukun Bus Jhuka He Rahun
------------------- Ibbadat Me Bus Ye Aajizi Chahiye
------------------- Main Bhatak Jaun To Aasra Dey Mujhe
------------------- Aesi ALLAH Mujhe Rehbari Chahiye..

***********************{ Aameen }*************************

*********** Mere Allah tu mujhko Gunaho'n se bachaa
*********** Apni panaho'n mein rakh, Mardood Shaita'n se bachaa

*********** Behayaee hai har samt, koi pardaa na rahaa
*********** Us Daur ka koi bhi, Ab Manzar na rahaa
*********** Mere Nafs mein Aisi koi Rawaani Na Uthey
*********** Meri Rooh mein Maula, Tu Azaa'n ko basaa
*********** Mere Allah tu mujhko Gunaho'n se bachaa

*********** Meri Aankho'n mein Allah, Tu sharm Bhar De
*********** Mere Dil mein Maula, Reham-O-Karam Bhar De
*********** Raah-E-Haq par sadaa, Maula tu mujhko chalaa
*********** Deen-E-Haq par Rahu'n, Allah Mujhe Aisa Banaa
*********** Mere Allah tu mujhko Gunaho'n se bachaa

*********** Zaat-E-Faani ko mere Maula, Tu Mukammal kar de
*********** Namazo'n ka iss Qadr, Paaband-O-Amal kar de
*********** Jannat mein Makaa'n Allah, Tu mera Banaa
*********** Aur Jahannam ki Gazabnaak, Angaaro'n se bachaa
*********** Mere Allah tu mujhko Gunaho'n se bachaa
*********** Apni Panaaho'n mein Rakh, Mardood Shaita'n se bachaa.

***********************{ Aameen }*************************
Share: