Tuesday, June 30, 2015

Kisi gaon mein Aik kutta (Dog) kunwe mein gir kar mar gaya


●◗► Kisi gaon mein Aik kutta (Dog) kunwe mein gir kar mar gaya, Chunke gaon mein wo Aik kunwa tha is liye log bhage bhage apne ilaqe ke Moulwi sahab ke paas gaye aur un se sawal kiya ke kunwa paak kaise kiya jaye ? Moulwi sahab ne farmaya: Aap log kunwen ka sara Pani nikal kar phenk den kunwa paak hojayega.

◈ Aik do din baad phir gaon wale Moulwi sahab ke paas pohche aur bole: Hazrat pani to waise ka waisa hi hai, Aap ke hukm ke mutabiq ham ne pani nikal kar phenk diya tha.

✿► Moulwi sahab ne ye baat sun kar pucha: "Kya Aap logon ne kutte ko nikal kar Pani phenka tha ?" is par sab bole Hazrat! Aap ne pani nikalne ka kaha tha, Kutta nikalne ka nahi ◈ ▶ So Pyare bhai aur Bahno! "Ham bhi gaon walon ki tarah karte hain, Bogz, Hasad, Nafrat, Ta’ssub aur lalach ke kutte dil mein rehne dete hain aur kuch Namazen, Tasbihat padh kar samajhte hain Dil paak hogaya."
Share: