Sunday, July 12, 2015

Allah Ne Pohanchaya Sarkar Ke Qadmon Me Naat Lyrics

Allah ne pohanchaya Sarkar ke qadmo me
Sadd shukr mai phir aaya Sarkar ke qadmo me

Kuch der salaami ko thehraya mawaja par
Phir mujhko adab laaya Sarkar ke qadmo me

Kuch lamhe huzoori ke paaye toh yuh lagta hai
Ek umr guzaar aaya Sarkar ke qadmo me

Kuch kehne se pehle hi poori huwi har khwahish
Joh socha wohi paaya Sarkar ke qadmo me

Sarkar salaami ko har saal talab kije
Yeh arz bhi kar aaya Sarkar ke qadmo me

Yaad aayi sab apni har ek khata mujh ko
Aamaal pe sharmaaya Sarkar ke qadmo me
Share: