Weather (state,county)

Chalo Ek Baar Phir Se Ajnabi Ban Jaayein Hum Dono


چلو اک بار پھر سے اجنبی بن جائیں ہم دونوں
نہ میں تم سے کوئی امید رکھوں دل نوازی کی
نہ تم میری طرف دیکھو غلط انداز نظروں سے
نہ میرے دل کی دھڑکن لڑکھڑائے میری باتوں سے
نہ ظاہر ہو تمہاری کشمکش کا راز نظروں سے
تمہیں بھی کوئی الجھن روکتی ہے پیش قدمی سے
مجھے بھی لوگ کہتے ہیں کہ یہ جلوے پرائے ہیں
مرے ہمراہ بھی رسوائیاں ہیں میرے ماضی کی
تمہارے ساتھ بھی گزری ہوئی راتوں کے سائے ہیں
تعارف روگ بن جائے تو ا س کا بھولنا بہتر
تعلق بوجھ بن جائے تو اس کا توڑنا اچھا
وہ افسانہ جسے انجام تک لانا ناممکن ہو
اسے ایک خوبصورت موڑ دیکر چھوڑنا اچھا
چلو اک بار پھر سے اجنبی بن جائیں ہم دونوں

ساحر لدھیانوی
Chalo Ek Baar Phir Se Ajnabi Ban Jaayein Hum Dono
Na Mein Tum Se Koi Umeed Rakhoon Dil Nawaazi Ki
Na Tum Meri Taraf Dekho Ghalat Andaaz Nazron Se
Na Merey Dil Ki Dharhkan Larhkharhaaye Meri Baaton Se
Na Zaahir Ho Tumhari Kash Makash Ka Raaz Nazron Se
Tumhein Bhi Koi Uljhan Rokti Hai Pesh Qadmi Se
Mujhe bhi Log kehte Hain Ke Ye Jalwe Paraye Hain
Mere Hamrah Bhi Ruswayan Hain Mere Maazi Ki
Tumhare Sath Bhi Guzri Hui Raton K Saye Hain
Ta'aaruf Rog Ban Jae To Iska Bhoolna Behter
Tahalluq Bojh Ban jae To Iska Torna Acha
Wo Afsana Jise Anjaam Tak Lana Namumkin Ho
Ise Aik Khoobsurat Mor De Kar Chorna Acha
Chalo Ik Bar Phir Se Ajnabi Ban Jaen Hum Dono   
Powered by Blogger.