Weather (state,county)

Dukh Ki Lahar Ne Chera Hoga


دُکھ کی لہر نے چھیڑا ہو گا
یاد نے کنکر پھینکا ہو گا
آج تو میرا دل کہتا ہے
تو اس وقت اکیلا ہو گا
میرے چومے ہوئے ہاتھوں سے
اوروں کو خط لکھتا ہو گا۔
بھیگ چلیں اب رات کی پلکیں
تُو اب تھک کر سویا ہو گا
ریل کی گہری سیٹی سن کر
 رات کا جنگل گونجا ہو گا
شہر کے خالی سٹیشن پر
کوئی مسافر اُترا ہو گا
آنگن میں پھر چڑیاں بولیں
تو اب سو کر اُٹھا ہو گا
یادوں کی جلتی شبنم سے
پھول سا مُکھڑا دھویا ہو گا
موتی جیسی شکل بنا کر
آئینے کو تکتا ہو گا
شام ہوئی اب تو شاید
تو بھی گھر کو لوٹا ہو گا
نیلی دھندلی خاموشی میں
تاروں کی دُھن سنتا ہو گا 
میرا ساتھی شام کا تارا
تجھ سے آنکھ ملاتا ہوگا
شام کے چلتے ہاتھ نے تجھ کو
میرا سلام تو بھیجا ہوگا
پیاسی کرلاتی کونجوں نے
میرا دکھ تو سنایا ہوگا
میں تو آج بہت رویا ہوں
تو بھی شاید رویا ہوگا
ناصر تیرا مِیت پرانا
تجھ کو یاد تو آتا ہوگا
dukh ki lahar ne chera hoga
yad ne kankar phenka hoga
aj to mera dil kahta hai
tu is waqt akela hoga
mere chume hue hathon se
auron ko khat likhta hoga
bhig chalin ab rat ki palkain
tu ab thak kar soya hoga
rel ki gahri siti sun kar
rat ka jangal gunja hoga
shahar k khali steshan par
koi musafir utra hoga
angan main phir chiriyan bolen
tu ab so kar utha hoga
yadon ki jalti shabnam se
phul sa mukhra dhoya hoga
moti jaisi shaql banakar
aine ko takta hoga
sham hui ab tu bhi shayad
apne ghar ko lauta hoga
nili dhundhli khamoshi main
taron ki dhun sunta hoga
mera sathi sham ka tara
tujh se ankh milata hoga
sham k chalte hath ne tujh ko
mera salam to bheja hoga
pyasi kurlati kunjun ne
mera dukh to sunaya hoga
main to aj bahut roya hun
tu bhi shayad roya hoga
'Nasir' tera mit purana
tujh ko yad to ata hoga
Powered by Blogger.