Weather (state,county)

Koi Nai Chot Phir Se Khao, Udaas Logo !!

کوئی نئی چوٹ پِھر سے کھاؤ! اداس لوگو
کہا تھا کِس نے، کہ مسکراؤ! اُداس لوگو

گُزر رہی ہیں گلی سے، پھر ماتمی ہوائیں
کِواڑ کھولو ، دئیے بُجھاؤ! اُداس لوگو

جو رات مقتل میں بال کھولے اُتر رہی تھی
وہ رات کیسی رہی ، سناؤ! اُداس لوگو

کہاں تلک، بام و در چراغاں کیے رکھو گے
بِچھڑنے والوں کو، بھول جاؤ! اُداس لوگو

اُجاڑ جنگل ، ڈری فضا، ہانپتی ہوائیں
یہیں کہیں بستیاں بساؤ! اُداس لوگو

یہ کِس نے سہمی ہوئی فضا میں ہمیں پکارا
یہ کِس نے آواز دی، کہ آؤ! اُداس لوگو

یہ جاں گنوانے کی رُت یونہی رائیگاں نہ جائے
سرِ سناں، کوئی سر سجاؤ! اُداس لوگو

اُسی کی باتوں سے ہی طبیعت سنبھل سکے گی
کہیں سے محسن کو ڈھونڈ لاؤ! اُداس لوگو
Koi nai chot phir se khao, udaas logo !!
Kaha tha kis ne ke muskarao, udaas logo !

Guzer rahi hain gali se phir maatami hawaein
Kewaar kholo, Diye bujhao udaas logo !

Jo raat muqtal main baal khole uter rahi thi
Wo raat kesi rahi? sunao udaas logo !

Kahan talak baam.o.dar charaghaan kiye rakho ge ?
Bicharne walon ko bhool jao, udaas logo !

Ujaar jungle, dari fiza, haanpti hawaein
Yahin kahin bastiyan basao, udaas logo !

Ye kis ne sehmi hoi fiza main hamein pukara
Aur ye kis ne aawaz di ke, Aao !! Udaas logo !!

Yeh jaan ganwaany ki rutt yunhi raigaan na jaye,
Sar-e-sinaan koi ser sajao, udaas logo!!

Ussi ki baaton se he tabbiyat sambhal sake gi
Kahin se Mohsin ko dhoond lao udaas logo...!!!
Powered by Blogger.