Weather (state,county)

Sirf Bewafa likha


 اب کے اُس کی آنکھوں میں
بےحساب اُداسی تھی
اب کے اُس کے چہرے پر
دُکھ تھا ۔۔۔ بےحواسی تھی

اب کے یوں ملا مجھ سے
یوں غزل سنی جیسے
میں بھی ناشناسا ہوں
وہ بھی اجنبی جیسے

زرد خال و خد اُس کے
سوگوار دامن تھا
اب کے اُس کے لہجے میں
کتنا کُھردرا پن تھا

وہ کہ عمر بھر جس نے
شہر بھر کے لوگوں میں
مجھ کو ہم-سخن جانا
خود سے مہرباں سمجھا
مجھ کو دلرُبا لکھا

اب کے سادہ کاغذ پر
 سرخ روشنائی سے
اُس نے تلخ لہجے میں
میرے نام سے پہلے
صرف "بے وفا" لکھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
ab ke us ki ankhon mien
besabab udaasi thi
abh ke us ke chehray per
dukh tha...behawasi thi

abh ke yun mila mujh se
yun ghazal suni...jese
mein bhi na_shanasa hoon
wo bhi ajnabi jesse

zard khaal o khad uss ke
sogawar daman tha
abh ke uss ke lahjay mein
kitna khudra pan tha

wo ke umer bhar jis ne
shahr bhar ke loogon mien
mujh ko hum sukhan jana
khud se mehrban samjha
mujh ko "Dilruba" likha

abh ke sada kaghaz per
surkh roshnai se
us ne talkh lahjay mein
mere naam se pehle!
sirf "Bewafa" likha
Powered by Blogger.