Weather (state,county)

Wo De Raha Hai Dilase To Umr Bhar Ke Mujhe


وہ دے رہا ہے “دلاسے” تو عمر بھر کے مجھے
بچھڑ نہ جائے کہیں پھر اداس کر کے مجھے

جہاں نہ تو نہ تیری یاد کے قدم ہوں گے
ڈرا رہے ہیں وہی مرحلے سفر کے مجھے

ہوائے دشت مجھے اب تو اجنبی نہ سمجھ
کہ اب تو بھول گئے راستے بھی گھر کے مجھے

یہ چند اشک بھی تیرے ہیں شامِ غم، لیکن
اجالنے ہیں ابھی خال و خد سحر کے مجھے

دلِ تباہ، ترے غم کو ٹالنے کے لئے
سنا رہا ہے فسانے اِدھر اُدھر کے مجھے

قبائے زخم، بدن پر سجا کے نکلا ہوں
وہ اب ملا بھی تو دیکھے گا آنکھ بھر کر مجھے

کچھ اس لئے بھی میں اس سے بچھڑ گیا محسن
وہ دور دور سے دیکھے ٹھہر ٹھہر کے مجھے


Woh De Raha Hia Dilase To Umar Bhar Ke Mujhe,
Bichhad Na Jaaye Kahin Phir Udaas Karke Mujhe,

Jahan Na Tu Na Teri Yaad Ke Qadam Honge,
Dara Rahe Hai Wohi Marhale Safar Ke Mujhe,

Hawa-e-Dasht Mujhe Ab Tu Ajnabi Na Samajh,
Ke Ab Too Bhool Gye Raste Bhi Ghar Ke Mujhe,

Ye Chand Ashq Bhi Tere Hai Sham-E-Gam Lekin,
Uljahne Lage Hai Abhi Khal-O-Khad Sahar Ke Mujhe,

Dil-E-Taba Tere Gam Ko Taalne Ke Liye,
Suna Raha Hai Fasane Idhar Udhar Ke Mujhe,

Qaba-E-Zakhm Badan Par Saja Ke Nikla Hoon,
Wo Ab Mila To Dekhega Aankh Bhar Ke Mujhe,

Kuch Isliye Bhi Main Usse Bichhad Gaya Mohsin,
Wo Door Door Se Dekhe Theher Theher Ke Mujhe...
Powered by Blogger.