Weather (state,county)

Aik dafa do Bahot Gehre dost Sehra mein Safar kar rahe the

●◗► Aik dafa do Bahot Gehre dost Sehra mein Safar kar rahe the Raste mein bate karte karte dono mein bahez hogayi aur Baat itni badhi ke aik Dost ne dusre dost ko Muh pe Thappad de mara, Thapad khane wala dost Bahot dukhi hua Lekin kuch bole bagair us ne Rait par likha "Aaj mere sab se Acche aur Gehre dost ne mere Muh pe Thappad mara."

◈ Chalte chalte un ko aik Jheel nazar Aaayi, dono ne Nahane ka iradah kiya, Achanak Jis dost ko Thappad pada tha wo Jheel ke beech Daldali hisse mein Phans gaya magar Jis dost ne Thappad mara tha us ne use bacha liya, Tab bachne wale dost ne Patthar par likha "Aaj mere sab se Acche aur Gehre dost ne meri zindagi bachali."

◈ Ye daikh kar jis dost ne Thappad mara tha aur baad mein jaan bachayi us ne pucha "Jab main ne tum ko dukh diya to tum ne Rait par likha tha aur Jab jaan bachayi to tum ne Patthar pe likha kyun?

●◗► Pehle dost ne Jawab diya: "Jab koi Aap ko dukhi kare ya Takleef de to hamesha us ki wo baat Rait par likhlo ta ke "Darguzar ki hawa" use Mitade lekin jab bhi koi Aap ke sath Bhalayi kare to hamesha us ki Acchayi Patthar pe Naqsh karo ta ke koi bhi use Mita na sake."
Powered by Blogger.