Weather (state,county)

Aik dafa ka Zikr hai ke 24 Aadmi aik moqam par Jangal mein darakht kaat rahe the

●◗► Aik dafa ka Zikr hai ke 24 Aadmi aik moqam par Jangal mein darakht kaat rahe the ke Mosla dhaar barish shuru hogayi wo Nazdkeek hi aik Bade kamre mein barish ke rukne ka intezar karne lage, Itne mein Bijli chamakne lagi aur Ghan Garj se kamre ki chat par se hokar wapas chali jati, Is tarah Aasmani Bijli ka silsila taiz hogaya, Sab ne mashwarah kiya ke ho sakta hai ham mein se kisi aik Aadmi par Bijli padni ho, Aisa karte hain ke har Aadmi aik Aik kar ke kamre se bahar jaye Jis Aadmi par Bijli Girni hogi gir jayegi aur baqi bach jayenge.

Mashwarah ke tahet Tamam Aadmi bari bari kar ke Bahar gaye aur bach kar wapas Aagaye Aakhir mein 24 wan Aadmi rehgaya, Baqi sab ko yahi laga ke bus yahi wo Aadmi hai jis par Bijli girni hai Lekin wo bahar jane ko tayyar na tha, Sab ne milkar us ko uthaya aur bahar phaink diya aur kehne lage ke is ki wajah se ham sab pareshan the, Itne mein Aasmani Bijli zor se kamre par padi aur sab ke sab Jal kar raakh hogaye, sirf us “24 wen Aadmi ki wajah se 23 Aadmi bach rahe the aur ab wo Tamam to khatam hogaye magar wo bach gaya.”

●◗► Aksar aisa hi hota hai Ham Dusron ko Qusoorwaar samajh rahe hote hain Magar Qusoor hamara Apna hi hota hai aur ham kisi aur ke sabab se pareshani aur Musibat se bach rahe hote hain Lekin hamen is ka Ehsas tak nahi hota.
Powered by Blogger.