Weather (state,county)

Hazrat Soban Radi Allahu Anhu ka Ishq-e-Rasool (Sallallahu Alaihi Wasallam)




  Hazrat Soban Radi Allahu Anhu ka Ishq-e-Rasool (Sallallahu Alaihi Wasallam) Immense Love for the Prophet (Sallallahu Alaihi Wasallam) Very Emotional

Hazrat Soban Radi Allahu Anhu Bade Aashiqe Rasool the (Sallallahu Alaihi Wasallam) Har sahabi Aashiqe Rasool hai Magar inki Mohabbat Nirali thi k Allah k Nabi Sallallahu Alaihi Wasallam ki Judayi in se Bardast nahi hoti thi, Aik Baar Nabi Sallallahu Alaihi Wasallam ki Khidmat main Hazir hue, Chehre ka Rng uda hua tha, Ranj o Gam k Aasar se Numaya hai, Allah k Nabi Sallallahu Alaihi Wasallam ne Irshad Farmaya, Aaj Rang kyu uda hua hai? Arz kiya Ya RasoolAllah Sallallahu Alaihi Wasallam! Mujhe koi bimari hai na dard hai, Bus Aap Jab samne nahi hote mujhe Wehshat hoti hai, Dil pareshan hota hai.

Jab Aakhirat ko yaad karta hun ke Aap Aa’la tareen Moqam par honge aur Agar mujhe Allah Tala ne Apne karam se Jannat ata farma bhi di….Aap (Sallallahu Alaihi Wasallam) to Nabiyon k sardar hain aap ka Buland moqam hoga, main Jannat main Na jane kaha honga? To Ya RasoolAllah Sallallahu Alaihi Wasallam Agar Jannat main Aap ko nahi Daikh paunga to Mera kya banega? Bus Aaj isi gam ne mujhe Gamzadah kardiya hai k Mujhe Aap k Bagair chain nahi padta.

Allah k Nabi Sallallahu Alaihi Wasallam ne us waqt koi jawab nahi diya aur Jibraeel A.S Hazire Khidmat hogaye aur Quran ki ye Aayat le Aaye

Aur jo log Allah Tala aur Us k Rasool (Sallalahu Alaihi Wasallam) ki Ita’at karte hain wo (Qayamat k roz) Un logon k sath honge jin par Allah Tala ne bada Fazl kiya yani Anmbiya aur Siddeeq aur Shaheed aur Naik log ye Behtareen rafeeq hain.(Qur’an 4:69)

Ye Aayat Nazil hogayi aur Hazrat Soban Radi Allahu Anhu ko Taskeen (Khushi, Sukoon) milgayi aur SubhanAllah Hazrat Soban Radi Allahu Anhu k Ishq ne Tamam Aashiqon ka Kaam banadiya.

Allah Ham Sab ko Nabi Sallallahu Alaihi Wasallam ka Saccha Aashiq banade

•.•´¯`•.• A A M E E N •.•´¯`•.•
Powered by Blogger.