Weather (state,county)

Safar Al-Muzaffar Maah Safar Kamyabi ka Mahina hai na k Manhoos





::✦ Safar Al-Muzaffar Maah Safar Kamyabi ka Mahina hai na k Manhoos ✦::

Safar Al Muzaffar qamri saal ka Dusra mahina hai Jo Moharram ke baad Aata hai baaz na’waqif log Maah safar ke bare mein yun zuban darazi karte hain ke Maah safar Manhoos hai isi liye Baaz log Km ilmi mein Maah safar mein Shadi biyah, pur Masarrat Taqareeb, Dukan ya Makan ki Iftetah wagerah karne se Gurez (parhaiz) karte hain aur yun kaha karte hain ke Safar ki Shadi safar hoti hai.

Halan ke Islam mein koi Mahina aisa nahi hai Jo Apne andar is Qism ke Aaib o Burayyan rakhe, Saal ka Har Mahina Allah hi ka Paida kiya hua hai, Aur Allah ki paida ki hui Chizon ko Manhoos samajhna Aur manhoos kehna Yaqinan bura Aqidah aur Zuban darazi hai.

✦...............x Tera Tezi x……….......✦

Mahe Safar ki 13 Tareeq baaz ilaqon mein Jahilon ke nazdeek bahot ahmiyat dete hain, Umuman Aourten Maah safar ki 12 tareeq ki raat ko apne sarhane Andhe (Egg) Tail, Maash ki daal, Wagerah rahte hain, aur 13 tareeq ki Subah Faqiron mein sadqa karte hain, Hyderbaad ke Mukhtalif Muslim Mohallo mein 13 ko Fajar se Qabl hi faqeeron ki zubanon se ye jumla sunne ko milta hai “Aaj tera tezi ka roz” Jahilon ka ye Aqidah hai ki 13 tareeq ko kasrat se balayen utarti hain in balao ko taalne ki khatir Mokhtalif chizen sadqah ki jati hain, Islam mein is qism ke wahem ki koi Gunjayesh nahi hai, ye kisi dusre Mazhab ki Cheez hai Jis ko jihalat se Daakhile Islam kiya gaya.

Narrated Abu Huraira RadiyAllahu Anhu: The Prophet (Sallallahu Alaihi Wasallam) said, "There is no 'Adha, nor Tiyara, nor Hama, nor Safar."

[Sahih Bukhari :: Vol. 7 :: Book 71 :: Hadith 653]

Urdu Translation: Hazrat Abu Huraira RadiyAllahu Anhu se Riwayat hai ke Nabi kareem Sallallahu Alaihi Wasallam ne Farmaya ke Marz ka aik se Dusre ko lag jana, Bad shuguni ya Ullu ya Safar ki Nahusat ye koi Cheez nahi hai.

[Urdu Ref :: Sahih Bukhari :: Vol.7 :: Hadith 5757]
Powered by Blogger.