Weather (state,county)

Yaqeen aur Ekhlas se Dua Mangne ka Aik Tariqa Sikha Gaya



✦..:: Yaqeen aur Ekhlas se Dua Mangne ka Aik Tariqa Sikha Gaya ::..✦

●◗► Us ki Aadat thi ke wo Azan se kafi pehle Masjid mein aajata aur wuzu kar ke Quran ki tilawat shuru kardeta Is tarah Jamat hone se pehle use tilawat ke liye kafi waqt mil jata, Aaj bhi kuch isi tarah hua tha wo Masjid mein baitha tilawat kar raha tha ke Aik chota baccha Masjid mein dakhil hua aur hath muh dho kar Masjid ke aik kone mein baith gaya us ne Muskurat kar bacche ki taraf daikha to bacche ne bhi Muskurahat se Jawab diya.

◈➲ Wo sir jhuka kar phir Tilawat mein Mashgool hogaya thodi dair baad tilawat ke douran us ne sir utha kar daikha to wo chota baccha apne Nannhe hath utha kar Aankhe band kar ke Dua mang raha tha us ke Labon par muskurathat phail gayi, Bacche ka Dua mangne ka Andaz itna pyara tha ke wo be saakhta Quran Majeed band kar ke use daikhne laga.

◈➲ Thodi dair baad us bacche ne Dua khatam ki aur bahar jane laga to us ka dil Chaha ke hosla Afzayi ke liye use kuch de, us ne Bacche ko paas bulaya aur sir par hath pher kar us ko 100/- ka not diya bacche ne thodi si hichkicha hat ke baad wo Not Qabool karliya.

♥ Us ne Bacche se pucha batao tum Allah se kya Dua mang rahe the? Bacche ne muskurate hue kaha Mera Chocolate khane ka dil kar raha tha to main ne Allah ji se 100/- rupye mange the ye keh kar wo chala gaya, bacche ke jane ke baad wo usi simt daikhta raha jis taraf wo baccha gaya tha jo use ♥ Yaqeen aur Ekhlas se dua Mangne ka aik tariqa sikha gaya tha ♥.
Powered by Blogger.