Weather (state,county)

Galat Fahmi ka Shikar!

●◗► Aik chota Baccha apne dono hathon mein Aik aik Saip (Apple) liye khada tha, us ke Walid ne muskurate hue kaha "Beta aik saip mujhe dedo..!"

Itna sunte hi us bacche ne aik saip ko apne Danton se kaat liya, is se pehle ke us ka Baap kuch bol pata, us ne dusra saip bhi apne danton se kaat liya.

Apne bete ki is harkat par wo shaks gusse se bahot naraz hogaya, aur us ke Chehre se ab Muskurahat bhi Gayab hogayi, Qareeb tha ke wo uth kar use saza deta, tab hi Bete ne apne Nannhe hath ko Aage badhate hue kaha, ✿ "Abbu ye lo ye wala Zyadah Mitha hai!" ✿

●◗► Hamare andar bardasht ka maddah bahot km hai, Shayad isi wajah se Aksar ham puri baat aur Muamlaat ko samajhne ki koshish nahi karte aur Galat fahmi ka shikar hojate hain.
Powered by Blogger.