Weather (state,county)

Jaga Jee Laganay ki Duniya Nahi Hai

------------- Jahaaan main hain ibrat kay har soo namoonay,
------------- Magar tujh ko andha kia rang-o-boo nay,
------------- Kabhee ghaur say yeh bhee daikha hai tu nay,
------------- Jo mamooor thay woh mahal ab hain soonay,
------------- Jaga jee laganay ki duniya nahin hai ,
------------- Yeh ibrat ki jaa hai tamasha nahin hai,

------------- Milay khaak main ahl-e-shaan kaisay kaisay,
------------- Huay naaamwar benishaan kasiay kaisay,
------------- Mitay namioon kay nishaan kaisay kaisay ,
------------- Zameen kha gayee aasmaaan kaisay kaisay,
------------- Jaga jee laganay ki duniya nahin hai,
------------- Yeh ibrat ki jaa hai tamasha nahin hai,

------------- Tujhay pahlay bachpan nay barsoon khilaya,
------------- Jawanee nay phir tujh ko majnoon banaya,
------------- Budhape nay phir aakay kia kia sataya,
------------- Ajal tera karday gee bikul safaya,
------------- Jaga jee laganay ki duniya nahin hai,
------------- Yeh ibrat ki jaa hai tamasha nahin hai,

------------- Yahi tujh ko dhun hai rahoon sub say aa'ala,
------------- Ho zeenat niralee ho fashion nirala,
------------- Jiya karta hai kia yun hee marnay wala,
------------- Tujhay husn-e-zahir nay dhokay main daala,
------------- Jaga jee laganay ki duniyanahin hai,
------------- Yeh ibrat ki jaa hai tamasha nahin hai.
Powered by Blogger.