Weather (state,county)

Maut Ki Yaad




------------ Pehley to ye sochiye mein kis qadr bemaar hu,
------------ Aur phir marney ko goya (yani) ab to mein tayaar hu,
------------ Baad is ke sochiye mein mar gaya rotey hai sab,
------------ Merey marne ki khabar sunkar jama’a hotey hai sab,
------------ Mujhe takhtey par litaya aur nehlane lagey,
------------ Phir kufn kuch logh mil kar mujhko pehlaney lagey,
------------ Ab mujhe sab dekhtey hai aakhiri deedar hai,
------------ Sab ke dil mein hasratein hai, sab ke dil mein pyar hai,
------------ Ab janaza hai mera tayyar lejane lagey,
------------ Ahle-khana ko mere kuch logh behlaney lagey,
------------ Laa kar mayyet ko meri masjid ke bahr rakh diya,
------------ Aur phir mera janaza sab ne mil kar padh liya,
------------ Ab mujhe kuch logh qubristan lejaney lagey,
------------ Phir woh qubristan pohonch kar mujhko dafnaney lagey,
------------ Kal tak jo apnay they woh aaj beganey lagey,
------------ Jab andherey mein mujhe sab chor kar janey lagey,
------------ Qabr mein ab mein hu tanha paas hai munkir naqeer,
------------ Jaan be haq se yeh goya aaein hai ban ke shafi,
------------ Ab unho ne jo kiya mujhse agr koi sawal,
------------ Paas to kuch bhi nahi is “bad amal” ke “juz malal”.

------------ Qabr ki Neend Kyu na Meethi Ho
------------ Umer Bhr ki Thakaan jo Hoti Hai.
Powered by Blogger.